शिवसेनेच्या वतीने संजय मोरे व शरद कणसे यांच्या वाढदिवसानिमित्त विविध कार्यक्रमांचे आयोजन

(फलटण/ प्रतिनिधी):शिवसेना पक्षाचे राज्य सचिव संजयजी मोरे व सातारा जिल्हा शिवसेना संपर्कप्रमुख शरदजी कणसे यांचा वाढदिवस रविवार दिनांक २२ फेब्रुवारी २०२६ रोजी शिवसेना फलटण-कोरेगाव विधानसभा मतदारसंघाच्या वतीने उत्साहात साजरा करण्यात येणार आहे. त्यांच्या वाढदिवसानिमित्त फलटण शहरात विविध सामाजिक कार्यक्रमांचे आयोजन करण्यात आले असल्याची माहिती शिवसेना जिल्हा समन्वयक विराज खराडे व शहरप्रमुख निलेश तेलखडे यांनी दिली.

या निमित्ताने उपजिल्हा रुग्णालयातील रुग्णांना फळांचे वाटप, वृद्धाश्रमात फळे व खाऊ वितरण, तसेच मूकबधिर विद्यालयातील दिव्यांग विद्यार्थ्यांना फळे व खाऊ वाटप करण्यात येणार आहे. याशिवाय मूकबधिर विद्यालय परिसरात वृक्षारोपण कार्यक्रम तसेच दिव्यांग मुलांची कान, नाक व घसा तपासणी शिबिराचे आयोजन करण्यात आले आहे.

या कार्यक्रमासाठी सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर हे प्रमुख अतिथी म्हणून उपस्थित राहणार आहेत. फलटण-कोरेगाव विधानसभा मतदारसंघातील शिवसेना, युवासेना, महिला आघाडी, जिल्हा परिषद सदस्य, पंचायत समिती सदस्य, नगरसेवक तसेच सर्व शिवसैनिकांनी रविवार दि. २२/२/२०२६ रोजी सकाळी ९.३० वाजता मूकबधिर विद्यालय, गोळेगाव ठाकूरकी (ता. फलटण) येथे उपस्थित राहावे, असे आवाहन संयोजकांनी केले आहे.