जावलीत सरपंचपदासाठी शिवाजीराव नाळे मैदानात; निवडणुकीत रंगत वाढणार

(जावली /अजिंक्य आढाव ) – जावली (ता. फलटण) येथील ग्रामपंचायत निवडणुकीच्या पार्श्वभूमीवर गावच्या राजकारणात मोठी घडामोड घडली आहे. जावली गावचे ज्येष्ठ नेते तथा फलटण कृषी उत्पन्न बाजार समिती चे माजी उपसभापती शिवाजीराव गंगाराम नाळे यांनी थेट सरपंच पदाची निवडणूक लढवण्याची अधिकृत घोषणा केली आहे.

22 फेब्रुवारी 2026 रोजी ग्रामपंचायत कार्यकाल समाप्त झाल्याचे सांगितले आहे

“परिश्रम न्युज चॅनेल ” शी संवाद साधताना नाळे यांनी सांगितले की, “गावाचा विकास हा माझा एकमेव ध्यास आहे. ग्रामपंचायत प्रशासन अधिक सक्षम, पारदर्शक आणि लोकाभिमुख करण्यासाठी मी थेट जनतेतून निवडणूक लढवत आहे.”

गेल्या अनेक वर्षांपासून सामाजिक व शेतकरी प्रश्नांवर सक्रिय असलेले नाळे यांनी बाजार समितीतील कार्यकाळात विविध विकासाभिमुख निर्णयांत सहभाग नोंदवला होता. त्यांच्या या निर्णयामुळे ग्रामपंचायत निवडणुकीत चांगलीच चुरस निर्माण होण्याची शक्यता व्यक्त केली जात आहे.

जावलीतील विकासकामे, मूलभूत सुविधा आणि युवकांसाठी संधी निर्माण करण्यावर भर देणार असल्याचे त्यांनी यावेळी स्पष्ट केले.