फलटण नगरपरिषदेमध्ये राष्ट्रवादी कॉंग्रेसला उपनगराध्यक्ष पद मिळणार काय…?

(फलटण /प्रतिनिधी)- नुकताच फलटण नगरपरिषदेचा निवडणूक निकाल जाहीर झाला असून फलटण नगर परिषदेच्या नगराध्यक्षपदी भारतीय जनता पक्षाचे समशेरसिंह नाईक निंबाळकर हे नगराध्यक्ष म्हणून निवडून आले आहेत.

राहुल निंबाळकर उपनगराध्यक्ष पदासाठी प्रमुख दावेदार..!

फलटण नगर परिषदेची निवडणूक महायुतीच्या माध्यमातून म्हणजे भाजपा राष्ट्रवादी काँग्रेस पक्षाने संयुक्तरित्या लढवली होती. यामध्ये प्रामुख्याने भारतीय जनता पक्षाचे 12 नगरसेवक निवडून आले असून राष्ट्रवादी काँग्रेस पक्षाचे 6 उमेदवार नगरसेवक म्हणून निवडून आले आहेत. त्यामुळे नैसर्गिक हक्काने उपनगराध्यक्ष पद राष्ट्रवादी काँग्रेस पक्षाला जाणार असे संकेत प्राप्त होत आहेत व तशी मागणी ही राष्ट्रवादी काँग्रेस पक्षाच्या गोटातून दबक्या आवाजात होत आहे.

राष्ट्रवादी काँग्रेस पक्षाचे फलटण शहर राष्ट्रवादी काँग्रेस पक्षाचे शहराध्यक्ष राहुल निंबाळकर हे उपनगराध्यक्ष पदाचे प्रमुख दावेदार मानले जात असून.

राहुल निंबाळकर हे प्रामुख्याने राजे गटाचा बालेकिल्ला समजला जाणार्‍या प्रभाग क्रमांक 13 मधून मोठ्या मताधिक्याने निवडून आले आहेत. त्यांच्या मागे  युवकांची मोठी फळी कार्यरत आहे.

राष्ट्रवादी पक्ष्याच्या चिन्हावर निवडून आलेले आमदार सचिन पाटील राहुल निंबाळकर यांच्या उपनगराध्यक्ष पदासाठी आग्रही राहणार की काय..? हे पाहणे औसुक्याचे ठरणार आहे.