“जि.प. सदस्या वैशाली कांबळे यांची प्राथमिक आरोग्य केंद्र बरड येथे भेट ; कर्मचाऱ्यांच्या अडी-अडचणी जाणून घेतला आढावा”

(जावली /अजिंक्य आढाव )प्राथमिक आरोग्य केंद्र बरड येथे जिल्हा परिषद सदस्या वैशाली कांबळे यांनी भेट देऊन केंद्राच्या विविध विभागांची पाहणी केली. यावेळी त्यांनी आरोग्य केंद्रातील उपलब्ध सुविधा, रुग्णांना दिल्या जाणाऱ्या सेवा तसेच केंद्राच्या एकूण कामकाजाचा सविस्तर आढावा घेतला.

भेटीदरम्यान त्यांनी आरोग्य केंद्रातील सर्व अधिकारी व कर्मचाऱ्यांशी संवाद साधून त्यांच्या अडी-अडचणी जाणून घेतल्या. कर्मचारी वर्गाला भेडसावणाऱ्या समस्या, आवश्यक मनुष्यबळ, वैद्यकीय साहित्य व इतर सुविधांबाबत माहिती घेत संबंधित प्रश्न सोडविण्यासाठी प्रयत्न करण्याचे आश्वासन दिले.

यावेळी आरोग्य केंद्रातील स्वच्छता, रुग्णसेवा व प्रशासनिक कामकाजाबाबत समाधान व्यक्त करत आरोग्य सेवांची गुणवत्ता अधिक उंचावण्यासाठी सर्वांनी समन्वयाने काम करण्याचे आवाहन त्यांनी केले. त्यांच्या या भेटीमुळे आरोग्य केंद्रातील कर्मचारी वर्गामध्ये उत्साहाचे वातावरण निर्माण झाले