filter: 0; fileterIntensity: 0.0; filterMask: 0; captureOrientation: 0; runfunc: 0; algolist: 0; multi-frame: 1; brp_mask:0; brp_del_th:0.0000,0.0000; brp_del_sen:0.0000,0.0000; motionR: null; delta:null; module: photo;hw-remosaic: false;touch: (-1.0, -1.0);sceneMode: 8;cct_value: 0;AI_Scene: (-1, -1);aec_lux: 242.0;aec_lux_index: 0;albedo: ;confidence: ;motionLevel: -1;weatherinfo: null;temperature: 31;zeissColor: bright;
(जावली /अजिंक्य आढाव )धोम-बलकवडी प्रकल्पांतर्गत सुरू असलेल्या पोटकालव्यांच्या कामकाजाचा दर्जा आता चर्चेचा विषय ठरत आहे. कामाच्या ठिकाणची छायाचित्रे पाहता कालव्यांची खुदाई, दगडफोड आणि बांधकामाच्या पद्धतीबाबत गंभीर प्रश्न उपस्थित होत आहेत. मोठमोठे दगड, उखडलेले खडक आणि अस्ताव्यस्त स्वरूपातील खुदाई पाहता या कामाची गुणवत्ता नेमकी तपासली जाते तरी कशी, असा सवाल उपस्थित होत आहे.
शेतकऱ्यांच्या पाण्याच्या अपेक्षांवरच माती.?
धोम-बलकवडी प्रकल्प हा दुष्काळी भागातील शेतकऱ्यांसाठी अत्यंत महत्त्वाचा आहे. या प्रकल्पाच्या पोटकालव्यांमधून शेतापर्यंत पाणी पोहोचण्याची अपेक्षा असताना कामातच दर्जाची तडजोड होत असेल, तर भविष्यात पाण्याचा प्रवाह, कालव्यांची टिकाऊ क्षमता आणि देखभाल यावर परिणाम होण्याची भीती व्यक्त होत आहे.
अधिकारी आणि ठेकेदारांच्या कामकाजाची तपासणी होणार का?
कामाचे अंदाजपत्रक काय आहे? प्रत्यक्षात किती काम झाले? तांत्रिक निकषांनुसार खुदाई झाली आहे का? कामाची मोजमाप पुस्तिका आणि प्रत्यक्ष काम यामध्ये ताळमेळ आहे का? या प्रश्नांची उत्तरे संबंधित विभागाने जनतेसमोर मांडणे आवश्यक आहे.
केवळ कागदोपत्री काम पूर्ण दाखवून शासनाचा निधी खर्च झाल्याचे चित्र निर्माण केले जात असेल, तर ही बाब अत्यंत गंभीर आहे. त्यामुळे वरिष्ठ अधिकाऱ्यांनी प्रत्यक्ष घटनास्थळी भेट देऊन स्वतंत्र तांत्रिक तपासणी करावी, कामाचे मोजमाप तपासावे आणि त्रुटी आढळल्यास संबंधितांवर कठोर कारवाई करावी.
शेतकऱ्यांच्या हक्काच्या पाण्याच्या नावाखाली निकृष्ट कामाला अभय कोणाचे? हा आता खरा सवाल आहे!
About the Author
