जावली विकास सेवा सोसायटीमधून माजी सरपंच काशिनाथ शेवते यांच्या जिल्हा बँक निवडणूकीसाठी नावाचा ठराव…!

हा ठराव जावली विकास सेवा सोसायटीच्या कार्यालयात झालेल्या संचालक मंडळाच्या बैठकीत करण्यात आला. बैठकीला सोसायटीच्या १३ पैकी १२ संचालक उपस्थित होते. उपस्थित सर्व संचालकांनी काशिनाथ शेवते यांच्या नावाला पाठिंबा दर्शवत ठरावाला मंजुरी दिली.

काशिनाथ शेवते हे सध्या राष्ट्रीय समाज पक्षाचे प्रदेशाध्यक्ष म्हणून कार्यरत असून जावली ग्रामपंचायतीचे सदस्य म्हणूनही सक्रियपणे काम पाहत आहेत. त्यांच्या सामाजिक, सहकारी आणि राजकीय कार्याची दखल घेत विकास सेवा सोसायटीने त्यांचे नाव जिल्हा मध्यवर्ती सहकारी बँकेच्या निवडणुकीसाठी सुचविल्याचे बैठकीत सांगण्यात आले.

जावली विकास सेवा सोसायटीवर राष्ट्रीय समाज पक्षाची सत्ता असून मागील निवडणुकीत राजे गटाच्या विरोधात संचालक मंडळाची निवड झाली होती. त्यामुळे आगामी जिल्हा बँक निवडणुकीच्या अनुषंगाने या ठरावाकडे राजकीय व सहकारी क्षेत्रात विशेष महत्त्वाने पाहिले जात आहे.

ठराव मंजूर झाल्यानंतर जावली परिसरातील ग्रामस्थ, कार्यकर्ते व सहकारी संस्थांमधील पदाधिकाऱ्यांनी काशिनाथ शेवते यांचे अभिनंदन करून आगामी निवडणुकीसाठी शुभेच्छा दिल्या.