टाकळवाडे विकास सेवा सोसायटीतून जिल्हा बँक निवडणुकीसाठी नानासो (पिंटू) इवरे यांच्या नावाचा बिनविरोध ठराव

या बैठकीस सोसायटीचे चेअरमन विकास इवरे, उपाध्यक्ष सौ. सुरेखा जाधव, सर्व संचालक मंडळाचे सदस्य तसेच सचिव श्री. बंडगर अण्णा उपस्थित होते. सर्वानुमते ठराव मंजूर झाल्यानंतर उपस्थितांनी इवरे यांचे अभिनंदन करून पुढील निवडणुकीसाठी शुभेच्छा दिल्या.

या निवडीनंतर विधान परिषदेचे माजी सभापती रामराजे नाईक निंबाळकर, सातारा जिल्हा परिषदेचे माजी अध्यक्ष संजीवराजे नाईक निंबाळकर, कृषी उत्पन्न बाजार समितीचे सभापती रघुनाथराजे नाईक निंबाळकर, तसेच शिवसेना पदाधिकारी, राजे गटाचे कार्यकर्ते आणि ग्रामस्थांनी नानासो (पिंटू) इवरे यांचे अभिनंदन करून त्यांच्या उमेदवारीस शुभेच्छा व्यक्त केल्या.

सहकार क्षेत्रातील या घडामोडीमुळे फलटण तालुक्यातील जिल्हा बँक निवडणुकीच्या राजकीय हालचालींना वेग आला असून, नानासो (पिंटू) इवरे यांच्या नावाला स्थानिक स्तरावर मोठा पाठिंबा मिळाल्याचे या बिनविरोध ठरावातून स्पष्ट झाले आहे.