खटाव – भूरकवडी रस्त्यावर एस टी व मोटारसायकलीची धडकेत कुकूडवाडचे ; गणेश काटकर याचां मृत्यू तर एस टी मधील १५ जखमी

(म्हसवड/ प्रतिनिधी) खटाव – भूरकवडी रस्त्यावर कारीचा मळा शिवारात, जाधव लवणा लगत एस टी बस आणि दुचाकीची समोरासमोर धडक होऊन या अपघातात माण तालुक्यातील कुकूडवाड येथील दुचाकी स्वार गणेश तानाजी काटकर (वय ३८) याचा जागीच मृत्यू झाला. तर एस टी बस मधील १५ प्रवाशी जखमी झाले.आसून त्या सर्व जखमींना वडील येथील प्राथमिक आरोग्य केंद्रात उपचारासाठी दाखल करण्यात आले असून अधिक तपास पुसेगाव पोलीस करत आहेत.

काटकर कुटुंबावर दुःखाचा डोंगर…

गणेश काटकर वडूज येथे ज्वेलरी व्यवसाय करत होता. तो दररोज कुकुडवाड ते वडूज असा प्रवास करत होता. त्याच्या पश्चात आई, भाऊ, पत्नी, १ मुलगा, एक मुलगी असा परिवार आहे

खटाव- भूरकवडी रस्त्यावर कारीचा मळा शिवारात जाधव लवणा लगत सायंकाळी ५ वाजण्याच्या सुमारास हा भिषण अपघात झाला. खटाव कडून वडूजकडे निघालेली पुणे स्टेशन – वडूज ही एस टी बस ( एम एच ०६ एस ८१७५ ) व वडूज कडून खटाव कडे निघालेला दुचाकीस्वार ( यू के ०५ ए ५५५९) या दोघांमध्ये समोरा समोर भिषण धडक झाली. या धडकेत दुचाकीस्वार गणेश तानाजी काटकर, रा कुकुडवाड, ता माण जागीच ठार झाला. तर धडके नंतर एस टी बस पाणी वहात असलेल्या पाटावरुन पलिकडच्या पोपट जाधव यांच्या घराशेजारच्या झाडावर आदळली. या धडकेत मोठे झाड तुटून पडले. बसच्या केबीनचा चक्काचूर झाली. तर बसच्या काचा निखळून पडल्या. यावेळी जाधव कुटुंबातील सदस्यांनी बसच्या चालकाला केबीनमधून तर वडूज येथील प्राथमिक शिक्षक अमोल ढगे व सागर माने तसेच बारामती येथील आर. सी. ग्रुप चे पै रोहन चव्हाण, बाळाभाऊ जाधव, भारत चावले, पारस बाबर, अभी खराडे, सौरभ नांदुगुडे, लखन सकट आणि प्रवास करणाऱ्या प्रवाशांनी जखमींना बसमधून बाहेर काढले.

जखमींना तातडीने रुग्णवाहिकेतून वडूज येथील शासकीय रुग्णालयात दाखल केले आहे. तसेच घटनेची माहिती मिळताच पुसेगाव पोलिस स्टेशनचे पथक घटनास्थळी दाखल झाले होते. यावेळी खटाव व भूरकवडी येथील ग्रामस्थांनी मोठी गर्दी केली होती.