आंधळीत पूर्वीच्या वादातून सख्या चुलत भावाकडून भावाचा व भावजयचा खून ; चार तासात आरोपी अटक

(म्हसवड/ प्रतिनिधी ) : आंधळी ता माण येथील पती पत्नी यांचा शनिवारी मध्यरात्री शेतात पिकांना पाणी देण्यासाठी गेलेल्या संजय रामचंद्र पवार (वय ४९ वर्षे) व मनिषा संजय पवार (वय ४५ वर्षे) या दाम्पत्याचा पूर्ववैमशातुन सख्या चुलत भावाने धारधार शस्त्राने मानेवर वार करुन खून केल्याची भयंकर घटना घडल्याचे रविवारी सकाळी निदर्शनास आल्यावर पोलीस पाटील यांनी दहिवडी पोलिसांना या बाबत माहिती दिली नंतर दहिवडी पोलीसानी सातारा येथील स्थानिक गुन्हे अन्वेषण विभाग व डाॅग स्काॅड यांना पाचारण करून पती पत्नीचा दुहेरी खुन करणार्या आरोपीचा शोधासाठी फलटण,दहिवडी आदी ठिकाणी पथके पाठवून तपासाची गती वाढवून आरोपीला काही तासातच जेरबंद करण्यात स्थानिक गुन्हे शाखा व दहिवडी पोलिसांना यश आले.

या बाबत पोलिसांकडून मिळालेली माहिती अशी आंधळी ता माण येथील शेतकरी संजय व मनिषा हे दाम्पत्य राहत होते मयत पवार यांचे दरा या शिवारात शेत असून काल पिकांना युरिया टाकून झाला होता शेतात युरियाचे पोते व घमेले तसेच पडले होते रात्री शनिवारी रात्री जेवन करून पाणी देण्यासाठी दहानंतर विद्युत पंप सुरु करण्यास आले होते. रात्री साधारण दहा ते अकराच्या दरम्यान पती पत्नीचा धारदार शस्त्राने डोक्यावर, मानेवर, गळ्यावर वार करून या दाम्पत्याची निर्घृण हत्या करून आरोपी हत्याराने पसार झाला होता सकाळी या भागातील शेतकरी आपल्या शेतीकडे निघाले होते त्यावेळी पवार पती पत्नी रक्ताच्या थारोळ्यात पडलेले दिसले पोलीस पाटील यांना माहिती दिल्यानंतर पोलीस पाटील यांनी दहिवडी पोलिसांना माहिती दिली पोलिसांनी तातडीने घटनास्थळी भेट देवून पंचनामे करून मृत पवार पती पत्नी यांचे पोस्टमॉर्टेम साठी दहिवडी येथे पाठवले सकाळी आकरा वाजता सातारा स्थानिक गुन्हे शाखेला व डाॅग स्काॅडला पाचारण करून दुहेरी खूनाच्या तपासाला दहिवडी पोलिस ठाण्याचे अधिकारी अक्षय सोनवणे यांनी गती देत तपासासाठी फलटण, दहिवडी आदी ठिकाणी लोक पाठवले गावात या दुहेरी खूनाचा तपास सपोनि अक्षय सोनवणे करत असताना हा खून पूर्वीच्या वादावादीतुन झाला असल्याची माहिती समोर आली.

हा वाद सखा चुलत भावा बरोबर झाला होता त्या चुलत भावाचा शोध सुरू केला असता तो गावातच सापडला पोलिसी खाक्या दाखवताच या दुहेरी खूनातील आरोपी बापूराव शहाजी पवार यांने हा खून केल्याचे उघड झाले दरम्यान या पती पत्नीच्या दुहेरी खूना मुळे तालुका हादरुन गेला होता शेतात पाणी देण्यासाठी गेलेल्या पती पत्नी चा खून कोणी व का केला याची चर्चा सर्वत्र होती या दुहेरी हत्येचा गुन्हा दाखल झाल्यानंतर अवघ्या चार तासातच आरोपी अज्ञात असलेला आरोपी निष्पन्न करून आरोपीला जेरबंद करण्यात दहिवडी पोलिस ठाण्याचे सपोनि अक्षय सोनवणे व त्यांचे सर्व सहकारी आणि सातारा येथील स्थानिक गुन्हे अन्वेषण विभागाचे प्रमुख अरुण देवकर यांच्या टिमला यश आले असून या यशाचे जिल्हा पोलिस प्रमुख समोर शेख, उप अधीक्षक आचल दलाल उपविभाग पोलीस अधिकारी अश्विनी शेंडगे आदीनी अभिनंदन केले