गोखळी.( प्रतिनिधी ) फलटण पूर्व भागातील मौजे गोखळी येथे ७७ वा स्वातंत्र्य दिन मोठ्या उत्साहात साजरा करण्यात आला.आपल्या मातृभूमीसाठी झटणारे तसेच त्यासाठी आपल्या प्राणाची आहुती देणाऱ्या शूरवीरांचा सन्मान होण्या करता व शहीद जवानांना शतशः नमन करण्यासाठी गोखळी ग्रामपंचायत वतीने माजी सैनिक दत्तात्रेय जगताप , गोविंद भाऊ जाधव , अशोक फडतरे, राजाराम घाडगे व निवृत्त पोलीस उपनिरीक्षक रोहिदास जाधव यांच्या हस्ते शिलाफलकाचे अनावरण करण्यात आले.
