(जावली /अजिंक्य आढाव )विनापरवाना गावठी पिस्तूल बाळगणाऱ्या एकाच्या फलटण ग्रामीण पोलीसांनी मुसक्या आवळल्या आहेत. त्यांच्याकडुन एक जिवंत काडतुस तसेच एक रिकामी पुंगळीही जप्त करण्यात आली आहे. फलटण ग्रामीण पोलिसांनी रेकॉर्डवरील आरोपीला गावठी कट्टयासह जेरबंद केले आहे.
या बाबतीत सविस्तर माहिती अशी की,आरोपी धुळदेव येथील असुन त्याच्या नावावर विविध गुन्हे नोंद आहेत.अजय कल्लू बेनकर हा एक जिवंत काडतुस तसेच एक रिकामी पुंगळी बाळगल्याप्रकरणी रेकॉर्डवरील असल्याने अटक करण्यात आली आहे.या बाबत आरोपी विडणी ता फलटण बस थांब्यावर उभा आहे व त्याच्याकडे गावठी बनावटीचा कट्टा असुन तो विक्री करण्याच्या प्रयत्नात असल्याची माहिती मिळाली होती.
त्यानुसार पोलिस निरीक्षक महाडिक यांनी गुन्हे प्रकटीकरण शाखेच्या पोलिस उपनिरीक्षक जी.बी. मदने हवालदार नितीन चतुरे , वैभव सुर्यवंशी, अमोल जगदाळे, श्रीनाथ कदम , हनुमंत दडस , शिवराज जाधव यांना कारवाईची सुचना केली.
त्यानंतर पथक घटनास्थळी गेल्यावर संशयित अजय बेनकर हा पळुन जाऊ लागला. मात्र हवालदार श्रीनाथ कदम यांनी झडप घालून त्याला पकडले,त्या वेळी त्याच्या कंबरेला गावठी बनावटीचा कट्टा खिशात एक जिवंत काडतुस , रिकामी पुंगळी मिळुन आली.
पोलिसांनी अजय बेनकर याच्या कडे कट्याबाबत चौकशी केल्यावर परप्रांतीय कामगारांकडून ते घेतल्याचे सांगितले.पोलिसांनी कट्ट जप्त केला आहे. पोलिस अधीक्षक वैशाली कडुकर, पोलिस उपअधीक्षक राहुल धस यांच्या मार्गदर्शनाखाली कारवाई करण्यात आली आली.
