जन्मदात्या आईचाच केला मुलाने खून ; पिंगळी बुद्रुक येथील घटना

(जावली/ अजिंक्य आढाव)दहिवडी पोलीस स्टेशन हद्दीतील पिंगळी बुद्रुक गावात रात्री मयत महिला नामे संगीता आनंदराव जाधव वय 52 वर्ष राहणार पिंगळी बुद्रुक या घरात झोपलेले असताना त्यांचा मुलगा आरोपी नामे विशाल आनंदराव जाधव वय 32 वर्षे हा दारू पिऊन घरी आला व आईला जेवायला दे असे म्हणाला. परंतु खूप उशीर झाल्याने व मुलगा दारू पिऊन आल्याचा राग आल्याने आईने मुलास सांगितले की तू तुझ्या हाताने जेवण घे , त्यामुळे आरोपी नामे विशाल जाधव याने दारूच्या नशेत आईला शिवीगाळ व मारहाण करण्यास चालू केली.

जन्मदात्या आईचाच केला मुलाने खून ; आईने हाताने जेवण न दिल्याच्या कारणावरून डोक्यात स्टीलच्या हांड्याने प्रहार करून गंभीर जखमी केल्यामुळे मृत्यू

 

सदरचा वाद इतक्या टोकास गेला की आरोपीने घरात असलेल्या स्टीलच्या हंड्याने आईच्या डोक्यात जोरात मारण्यास सुरुवात केली. या मारहाणीत आई संगीता जाधव गंभीर जखमी झाल्याने त्यांना वैद्यकीय उपचाराकरिता दहिवडी तसेच सातारा येथे नेण्यात आले, परंतु यामध्ये त्यांचा मृत्यू झाला. या कृत्यानंतर आरोपी विशाल आनंदराव जाधव हा लपून बसला होता, त्यास सहाय्यक पोलीस निरीक्षक अक्षय सोनवणे,पोलीस उपनिरीक्षक यशवंत जामदार, महिला पोलीस हवालदार विजयालक्ष्मी दडस, पोलीस हवालदार रामचंद्र गाढवे,पोलीस हवालदार संभाजी खाडे यांनी शोधून काढले आणि ताब्यात घेतले.

सदरची कामगिरी ही सातारा जिल्हा पोलीस अधीक्षक श्री समीर शेख सर, अप्पर पोलीस अधीक्षक वैशाली कडूकर मॅडम,उपविभागीय पोलीस अधिकारी अश्विनी शेंडगे मॅडम यांच्या मार्गदर्शनाखाली करण्यात आलेली आहे.