(फलटण/ प्रतिनिधी) फलटण तालुक्यातील मौजे बरड येथील एकास तलवारीने गंभीर मारहाण बुधवार दिनांक १३ नोव्हेंबर रोजी सायंकाळी ७ वाजण्याच्या सुमारास मौजे बरड ता. फलटण गावच्या हद्दीत पालखी तळाचे मैदानावर फिर्यादी सुरज लोंढे व त्याचा चुलत भाऊ कार्तिक लोंढे व त्यांचा मित्र प्रथमेश बागाव हे व्यायाम करुन घरी जात असतांना कुणाल मदने, सौरभ लोंढे, पांडा मसुगडे यांनी तुम्हाला लय मस्ती आली आहे का..? आमच्याकडे काय बघताय असे म्हणुन लोखंडी तलवारीने वार करून मारहान करुन शिवीगाळ करुन जखमी केले असलेबाबत फलटण ग्रामीण पोलीस ठाण्यात गुन्हा दाखल करण्यात आला होता.
सदर गुन्हयातील आरोपी हे गुन्हा केल्यानंतर फरारी झाले होते. फलटण ग्रामीण पोलीस ठाणे अंकित बरड दूरक्षेत्र याविकाणी सदर गुन्हयातील आरोपी यांना तात्काळ अटक व्हावी याकरीता जमाव जमला होता. सदर आरोपी यांना तात्काळ अटक करण्याबाबत उपविभागीय पोलीस अधिकारी राहुल धस फलटण यांनी आदेशित केलेले होते.
त्याप्रमाणे सुनिल महाडिक प्रभारी अधिकारी फलटण ग्रामीण पोलीस ठाणे यांनी आरोपीत यांना शोध घेणेकामी डीबी पथकाचे श्री. गोपाल बदने पोउनि व बरड दुरक्षेत्राचे शिवाजी जायपत्रे सपोनि यांची दोन पथके तयार करण्यात आली होती. सदर आरोपीचे बाबत पोऊनि बदने यांना गोपनिय बातमी मिळाल्याने सदर गुन्हयातील आरोपी नामे १. कुणाल बंडु मदने २. सौरभ राजेंद्र लोंढे दोन्ही रा. बरड ता. फलटण यांना दुधेबावी ता. फलटण गावचे हददीतील डोंगरातून ताब्यात घेवून अटक करण्यात आली आहे. सदर गुन्हयातील फिर्यादी यांनी झाले भांडणाचे कारण स्पष्टपणे नमूद केले नव्हते.
सदर गुन्हयातील आरोपी यांना अटक केल्यानंतर त्यांनी यातील फिर्यादी व त्याच्या मित्रांनी चार पाच दिवसापूर्वी मारहाण केली होती त्याचा राग मनात धरून सदर आरोपी यांनी फिर्यादी यांना तलवारीने मारहाण करून जीवे मारण्याचा प्रयत्न केला आहे तरी पोलीस अधिक तपास करीत आहेत.
सदरची कामगीरी समीर शेख,पोलीस अधीक्षक,वैशाली कडुकर अप्पर पोलीस अधीक्षक,राहूल धस, उपविभागीय पोलीस अधिकारी फलटण यांच्या मार्गदर्शनाखाली पोलीस निरीक्षक सुनिल महाडीक डीबी पथकाचे पो.उ.नि.श्री. गोपाल बदने , सपोनि शिवाजी जायपत्रे , पोलीस हवा. नितिन चतुरे, पोहवा. सचिन भोसले, पोना. अमोल जगदाळे, श्रीनाथ कदम, दत्ता नाळे, पोकों, हनुमंत दडस, सपो.फौ. संतोष मठपती, पोना. सागर अभंग, यांनी कारवाई केली. सदर गुन्हयाचा तपास उपविभागीय पोलीस अधिकारी फलटण राहुल धस हे करीत आहेत.
