स्वातंत्र्य दिनानिमित्त रॉयल इंग्लिश स्कूल जावली येथे दशरथ चवरे यांच्या हस्ते ध्वजारोहण

(अजिंक्य आढाव/ जावली)- ग्रामीण भागातील विद्यार्थ्यांना संगणकीय ज्ञान मिळावे या उद्देशाने फलटण पूर्व भागातील जाई एज्युकेशन सोसायटी संचलित रॉयल इंग्लिश स्कूल जावली या शाळेतील विद्यार्थ्यांना शैक्षणिक , क्षेत्राबरोबर संगणकीय ज्ञान मिळावे . यासाठी आय.आय. केअर फाउंडेशन बारामती यांच्यावतीने 25 संगणक व लॅपटॉप संच 15 ऑगस्ट म्हणजेच आज भारतीय स्वतंत्र दिनाचे औचित्य साधत भेट देण्यात आले.

फलटण पूर्व भागातील अव्वल दर्जाचे शिक्षणा बरोबर बरंच , राज्यस्तरीय खेळाडू, शिष्यवृत्ती परीक्षा या मध्ये राॅयल इंग्लिश स्कूल जावलीचे अग्रक्रमाने नाव घेतले जाते.

आय आय केअर फाउंडेशन बारामती यांच्या वतीने जावली ता.फलटण येथे १५ लाख वृक्ष लागवड उद्दिष्ट ठेवण्यात आले. या संस्थेचे संस्थापक डॉ. संतोष भोसले यांच्यावतीने सध्या काम सुरू असून जावली गाव हे जगाच्या नकाशावर वेगळया उद्दिष्टाने दिसेल.

जाई एज्युकेशन सोसायटी संचलित रॉयल इंग्लिश स्कूल जावली या ठिकाणी श्री दशरथ हरिबा चवरे यांच्या हस्ते ध्वारोहण करण्यात आले यावेळी ध्वज पूजन शाळा व्यवस्थापन समिती अध्यक्ष श्री दत्तात्रय गावडे, माता पालक समिती अध्यक्षा रेहाना शेख , परिवहन समिती अध्यक्ष दत्तात्रय लंगुटे यांच्या हस्ते करण्यात आले‌. यावेळी आय.आय.केअर फाऊंडेशन बारामती चे सदस्य विठ्ठल भापकर व अजय माने उपस्थित होते.

कार्यक्रमा वेळी राष्ट्रगीत , महाराष्ट्र गित समृद्ध आणि देशभक्तीपर भाषणे देऊन सर्वांचे हृदय प्रभावित केली.विद्यार्थ्यांनी मनोरे कवायत त्याचबरोबर लेझीम डान्स, डान्स अशा विविध कला गुणांनी ७८ व्या स्वांतत्र्य दिनाच्याचे औचित्य साधत आज राॅयल इंग्लिश स्कूल जावली मध्ये स्वातंत्र्य दिन मोठ्या उत्साहात साजरा करण्यात आला.