आपला जिल्हा
मराठा आरक्षण प्रकरणी माण तालुक्यात १० ठिकाणी बंद यशस्वी, उद्या गुरुवारी म्हसवड बंदची हाक..!
![](https://parishramnews.in/wp-content/uploads/2024/02/IMG-20240214-WA0031-780x470.jpg)
(म्हसवड/ प्रतिनिधी) – मराठा समाजाला कुणबी प्रमाणपत्रासह सगेसोयरांचा कायदा लागू करावा या मागणीसाठी सकल मराठा समाजाच्या वतीने आज राज्यात बंद पुकारण्यात आला होता त्यास माण तालुक्यातील मोजक्या गावात संमिश्र प्प्रतिसाद मिळाल्याचे पहायला मिळाले.शाळा, काॅलेज, दवाखाने, हाॅस्पिटल, मेडिकल, शासकीय कार्यालये व अत्यावश्क सेवा वगळून अनेक ठिकाणी बंद यशस्वी झाला दहिवडी पोलिस स्टेशन हद्दीत गोंदवले बु गोंदवले खु, बिजवडी, बिदाल, राणंद, मोहि येथे तर म्हसवड पोलिस स्टेशन हद्दीत भाटकी, हवलदारवाडी, कुकूडवाड, शेनवडी या ठिकाणी बंद पाळण्यात आला तर उदा गुरुवारी म्हसवड बंद ठेवण्यात येणार आहे.या बंदच्या पार्श्वभूमीवर ठिक-ठिकाणी माण तालुक्यात पोलिसांचा तगडा बंदोबस्त लावण्यात आला होता.
![](https://parishramnews.in/wp-content/uploads/2024/02/IMG-20240214-WA0034-300x171.jpg)
मराठा आरक्षण प्रकरणी बुधवारी बंद पाळण्यात आला होता मात्र बुधवार हा म्हसवड व परिसरातील नागरिक व्यापारी व्यावसायिक यांचा आठवडा बाजार असल्याने बंद बुधवारी न पाळता गुरुवार दिनांक १५/२/२०२४ बंद पाळण्यात येणार असल्याचे मराठा समाजाने म्हसवड पोलिस ठाण्यात निवेदन दिले.
मराठा समाजाला आरक्षण मिळालं पाहिजे आणि अधिसूचनेचं रुपांतर कायद्यात झालं पाहिजे या मागणीसाठी मनोज जरांगे पाटील गेल्या चार दिवसांपासून उपोषण करत असून त्यांची प्रकृती खालावली असल्याने. मनोज जरांगे पाटील यांच्या नाकातून रक्तस्त्राव होत असल्याने मराठा समाज संतप्त झाला असून लवकरात लवकर मागण्या पूर्ण कराव्या अन्यथा मराठा समाज पुन्हा रस्त्यावर उतरले त्याला सरकार जबाबदार राहिल असे मराठा समाजाच्या वतीने सांगण्यात आले दरम्यान माण तालुक्यात गोंदावले बु , गोंदवले खु. बिजवडी, बिदाल, , रांणद, मोहि या दहिवडी पोलीस स्टेशन हद्दीत तर म्हसवड पोलीस स्टेशन हद्दीत कुकूडवाड, शेनवडी,हवलदारवाडी, भाटकी या ठिकाणी बंद पाळण्यात आला दहिवडी पोलीस स्टेशन हद्दीत सपोनि अक्षय सोनवणे व कर्मचारी यांनी बंदच्या ठिकाणी पोलिस तैनात केले होतो गोंदवले बु येथे कडकडीत बंद ठेवल्याने मंदिरात दर्शनासाठी आलेल्या भक्तांना अडचण निर्मा झाली होती.
![](https://parishramnews.in/wp-content/uploads/2024/02/IMG-20240214-WA0032-300x170.jpg)